مبروك عليك ظهرت اليوم على قناة ON TV فى لقا...ء مع اللواء شفيق رئيس الوزراء بمظهر البطل المناضل امام كل اللى انت عارف وكلنا انهم مستنيينك تقول اللى قولته ,ولكن اقولها لك بامانه انت اليوم خسرت كثيراً من انتمائك لمصر بوقاحتك فى الرد ,السياسه يابيه مش معناها انى اقل ادبى على اللى اكبر منى ,سنا ومقاماً علشان اظهر بطولتى ووطنيتى هى الحريه ادتك الحق انك تشتم هى الثوره قالتلك قل ادبك واقولك انا واحد من الناس كنت بحبك جدا وكنت مغشوش فى لون بشرتك السمره دى انها تحمل الصفات النبيله للمصرى الاصيل اللى اولها الأدب والادب والادب مش قلة الادب انت قاعد طول الحلقه تتصيد اخطاء ولو باشاره من الرجل علشان تشتمه وتطلع تقول انا شتمت لكم شفيق رئيس الوزراء , ياسيدى اذا كان ده مفهوم الحريه الجديد فيلعن ابو الحريه على الديمقراطيه اللى اساسها مبنى على قلت الادب,ايه هو معنى انى ادى اولادى فى البيت الحريه يناقشونى فى ولما نختلف يقوم ابنى يقولى انت اللى مبتفهمش عيب عليك الرجل يقولك ياصديقى ياعزيزى انت مش فاهم النقطه دى ترد تقوله لا انا فاهم انت اللى مش فاهم والاستاذ سويرس يتكلم فى الناحيه الاقتصاديه تقوله لا كده غلط ليه هو انت خلاص فاهم كل السياسه والادب والاقتصاد وشئون البلاد مايعينوك يااخى رئيس من غير انتخابات بقى ونخلص ,
فعلا انا النهارده تأكدت ان تأليفك لعمارة يعقوبيان بكل قذارتها لم تكن رؤيه فنيه فقط
وتحيه للاستاذ الفاضل حمدى قنديل اللى كان معارض بس بأدب وبيسأل وميصيدش كلمه علشان يرد عليها بصفاقه
مبروك عليك يالا إجرى على الميدان هيشيلوك على الاعناق النهارده وهتسيبهم وتروح تنام فى حضن دافى وانت متنشى ببطولتك وسقوطك من داخل قلوب كل اللى فى الميدان واللى بره الميدان
ليست هناك تعليقات:
إرسال تعليق