من حوالي شوية سنين قال الشعراوي رحمة الله عليه كلمة للشعب و للمخلوع كأنه أحس بما يحدث الأن
قال كلمة أولها للشعب عندما قال آسف أن يكون سلبي ..... و أخرها للمخلوع عندما قال له .... يا غبي
ماذا فهمنا منها ............
عندما قال للشعب سلبي ....... فلا يلومن إلا نفسه عندما يُسلب و يُنهب و لا يتحرك
قال للمخلوع يا غبي غبي ....... عندما قال له " لن يحكم أحد في ملك الله إلا بمراد الله"
قال أيضاً ..... من طُلب إلى شئ أُعين عليه و من طلب شئ وكل إليه ....... و ياليته فهم الغبي
قال أيضاً ...... فإن كان عادلاً نفع بعدله و إن كان ظالماً بشع الظلم فيكرهون كل ظالم و لو لم يكن حاكماً
و أنا أقول للغبي .......... هل فهمت الدرس
و الشعب كله يقول للغبي ............ إنتهى الدرس يا غبي
طب هو ايه اللي حصل ...........
و بعدين كيف نربط بين " أنه لن يحكم أحد في ملك الله إلا بمراد االله" و بين ما حدث يوم النصر
الموضوع سهل جداً
لما كان الشعب سلبي و رضي بالمهانه و الظلم و ابتعد عن منهج الله .... أصابه الله بحاكم ظالم
عندما انتفض الشعب ..... منع الله عنه البلاء و أطاح بالظالم
يعنى ده يفسر قول الله " إن الله لا يغير ما بقوم حتى يُغيروا ما بأنفسهم" ........ أه
يعني " إذا الشعب يوماً أراد الحياه ..... فيارب أن يستجيب القدر" ........ أه
على فكرة أنا غيرت كلمة " لابد" بكلمة " يارب " لأن الله لا يشترط عليه أحد و لكننا ندعوه فيكشف عنا البلاء
و كما تعلمون أن الدعاء يمنع القدر
يبقى كده انتهى الدرس لكلا الطرفين ....... الغبي و السلبي ....... كما قال الشعراوي
طب حد يقولي ماشي يا عم فهمنا المقصود طب و بعدين
أقوله لأ ........ الأول شوف قبلين قبل ما تدرس بعدين
إيزاي يا عم؟؟؟
أقوله شوف ايه اللي وصل سي حسني لكده ...... و أيه اللي وصلنا ليوم النصر
يعني....اللي وصل سي حسني أيه؟
معصية و بعد عن منهج الله سواء من مسلم أو نصراني
سكوت على الحق
الرضا بالمهانه
عدم الترابط بين الشعب
دستور مهلبية
أحزاب ضعيفة
و حاجات كتيره قوي كلنا دلوقتي فهمناها
يعنى باختصار " فاستخف قومه فأطاعوه"
يعنى بالبلدي " يا فرعون ايه فرعنك قال ما لقتشي حد يصدني "
طب و المطلوب .....!!!!!!!!
إعمل عكس اللي فات
اتبع منهج الله
لا تسكت على الحق فما ضاع حق وراءه مطالب
لا ترضى بالمهانه فأنت حر – عربي
الوحدة المفقودة بين الشعب
دستور صح
أحزاب لها كلمة و مؤثرة
يعني بعد النهاردة اللي هيرضى بالمهانه من أي مسئول يبقى ذنبه على جنبه
بصراحة أنا مبسوط من رجالة مصر
تكاتف
تعاون
مظهر حضاري
دا أول مرة نشوف الحب ده بين الناس
الناس مكانتشي طايقة بعض
دلوقتي .......... بصراحة شعب يفرح و يشرف أي ريس إنه يحكمه
مصر أول دولة تقلب لعبة العسكر و الحرامية
بدل ما الشرطة تحافظ على النظام و الشعب اللي يتمرد .... الشعب هو اللي حافظ على النظام و الشرطة هي اللي تمدردت
رجالة و الله يا مصريين
شوفوا ايزاي ثورة منظمة ... سلمية .... مشرفة .... " الثورة البيضاء"
بالله عليكم شوفتم حالة تحرش واحدة بين الشعب اليومين اللي فاتوا دول؟؟؟؟
شوفتم طوبة واحدة اترمت على كنيسة اليومين دول؟؟؟
العالم كله شاف شعب مثالي .... و الله رائع
ليست هناك تعليقات:
إرسال تعليق