مصر تفوز بكاس العالم

عد مشاهدة كأس العالم والتنظيم الرائع لجنوب أفريقيا وبعد أعلان المسئولين هناك بأنهم لا يستطيعوا الى الان حصر المكاسب المادية والثقافية و..و.. وذلك من كثرتها سرحت بخيالى وحلمت باننا نظمنا كاس العالم 2010 بدلا منهم والالمان جابوا الأخطبوط معاهم وتوقع فوز مصر بكاس العالم , وكانت دى تعليقات الصحف العالمية بعد تنظيمنا للبطولة
..المكاسب المادية- حسب تصريحات المسئولين .. زى الفل ولا كسبانين ولا خسرانين
مهارات جديدة لفنون المراوغة والترقيص يكتسبها لاعبو العالم فى مصر .. الهروب بالكرة - بلدى - افرنجى- على واحدة ونص
انتحار 90% من سيدات مصر.. بعد رؤية جميلات هولند وأسبانيا وألمانيا على الطبيعة.
اختفاء ظاهرة التحرش من الشوارع .. طبعا اتنقلت للاستادات
كارثة فى نتيجة الثانوية العامة بعد اعلان-االى بيذاكروا بيشجعوا واحنا مش معاهم
اأخطاء فى أعلان نتيجة التنسيق وكانت كالتالى
95% طب ستاد القاهرة
90% الهندسة - جامعة موفنبيك
80% اوفسيد
سعد الصغير وفرقة أبو الليف تحييى حفل الختام .. بدلا من شاكيرا والكلام الفاضى دا
انتحار الأخطبوط بول ..هل لأنه شرب من مية النيل ومش عايز يرجع تانى , ولا لأنه بيتاجر فى المخدرات وعليه 4 قضايا والمخبرين قاموا بالواجب
واخيرا ابنى عنده 5 سنوات سالنى سؤال غريب اثناء كاس العالم قاللى يا بابا هوأنا لما اكبر هبقى راس حربة ولا حارس مرمى ؟..خدت نفس عميق وقلت فى بالى الله يرحمك ياأخطبوط بول

المصدر: eng_mshawky